பிரபல போதைப் பொருள் வர்த்தகர் குடு சம்பத் கைது

கொழும்பின் பிரபல போதைப் பொருள் வர்த்தகர் குடு சம்பத் இன்று காலை பொலிசாரினால் கைது செய்யப்பட்டுள்ளார்.
கொழும்பு, வெலிக்கடைப் பிரதேசத்தில் பொலிசார் மேற்கொண்ட சுற்றிவளைப்பு சோதனையொன்றின் போது அவர் பொலிசாரிடம் சிக்கிக் கொண்டுள்ளார்.

வெலேசுதா, குடு சித்தீக் போன்றவர்களுக்கு அடுத்த நிலை போதைப் பொருள் வர்த்தகரான குடு சம்பத் நீண்டகாலமாக பொலிசாரால் தேடப்பட்டு வந்த நிலையில் இவ்வாறு கைது செய்யப்பட்டுள்ளார்.

கைது செய்யப்படும்போது அவரிடமிருந்து 20 கிராம் எடைகொண்ட போதைப் பொருளும் பொலிசாரால் கைப்பற்றப்பட்டுள்ளதாக பொலிசார் அறிவித்துள்ளனர்.

போதைப் பொருள் வர்த்தகம் தொடர்பான ஆரம்ப கட்ட விசாரணைகளின் பின்னர் குடு சம்பத்தை நீதிமன்றத்தில் ஆஜர்படுத்தவுள்ளதாக பொலிசார் தெரிவித்துள்ளனர்.