பிரபல போதைப் பொருள் விற்பனையாளர் தொட்டலங்க கண்ணா கைது

முன்னணி போதைப் பொருள் விற்பனையாளரான தொட்டலங்க கண்ணா என அழைக்கப்படும் கணபதி கணேஷ் என்பவர் கைது செய்யப்பட்டுள்ளதாக பொலிஸார் தெரிவித்துள்ளனர்.
இந்த சந்தேக நபர் கடந்த 26ம் திகதி முல்லேரியா, அங்கொட பிரதேசத்தில் கைது செய்யப்பட்டுள்ளார்.

சந்தேக நபரிடம் நடத்தப்பட்ட விசாரணைகளை அடுத்து 103 கிராம் ஹெரோயின் போதைப் பொருள், அதனை நிறுக்க பயன்படுத்தப்படும் தராசு என்பவற்றை பொலிஸார் கைப்பற்றியுள்ளனர்.

சந்தேக நபர் கொழும்பு பிரதான நீதவான் முன்னிலையில் ஆஜர்ப்படுத்தப்பட்டு பின்னர் தடுப்பு காவல் உத்தரவின் பேரில் தடுத்து வைக்கப்பட்டு போதைப் பொருள் தடுப்பு பிரிவினர் விசாரணைகளை மேற்கொண்டு வருகின்றனர் என பொலிஸ் ஊடகப் பேச்சாளரின் அலுவலகம் தெரிவித்துள்ளது.