கோவையில் 12 வயது சிறுமி எரித்துக் கொலை: காரணம் என்ன?

கோயம்புத்தூர் அருகே 12 வயது சிறுமி எரித்துக் கொல்லப்பட்ட சம்பவம் பெரும் பரபரப்பை ஏற்படுத்தியுள்ளது.
கோவை மாவட்டம் பொங்காலியூர் காட்டுப் பகுதியில் இன்று காலை பாதி எரிந்த நிலையில் சிறுமி ஒருவரின் சடலம் கிடந்துள்ளது.

இதையடுத்து சம்பவ இடத்திற்கு சென்ற பொலிசார் சிறுமியின் உடலை கைப்பற்றி விசாரணை மேற்கொண்டு வருகின்றனர்.

பொலிசாரின் முதற்கட்ட விசாரணையில் கொலை செய்யப்பட்ட சிறுமியின் வயது, 12 முதல் 14-க்குள் இருக்கலாம் என்று தெரியவந்துள்ளது.

மேலும், அந்த உடல் அருகே ரத்தக்கரையுடன் இரும்பு கம்பி கிடந்ததால் அவள் அடித்து கொலை செய்யப்பட்டிருக்கலாம் என்றும் கருதப்படுகிறது.

தற்போது சிறுமியின் உடல் கோவை அரசு மருத்துவமனையில் பிரேத பரிசோதனைக்காக வைக்கப்பட்டுள்ளது.

பிரேத பரிசோதனைக்கு பின்னரே முழு விவரம் தெரிய வரும் என்று பொலிசார் தெரிவித்துள்ளனர்.