வேலைக்கார சிறுமியை சீரழித்த வழக்கில் எம்.எல்.ஏ கைது

அஸ்ஸாமின் போகோ தொகுதி எம்.எல்.ஏ., தமது வீட்டில் வேலை செய்து வந்த சிறுமியை பாலியல் பலாத்காரம் செய்த வழக்கில் பொலிசாரால கைது செய்யப்பட்டுள்ளார்.
போகோ தொகுதி எம்.எல்.ஏ. கோபிநாத் தாஸ் என்பவரது வீட்டில் கம்ரூப் மாவட்டத்தைச் சேர்ந்த 14 வயது சிறுமி வேலை பார்த்து வந்துள்ளார்.

தாஸின் வீட்டில் தங்கி வேலை பார்த்து வந்த சிறுமி கடந்த ஒகஸ்ட் மாதம் மந்திரா புறக்காவல் நிலையத்தில் புகார் மனு ஒன்றை அளித்துள்ளார்.

அதில், தாஸ் தம்மை கவுஹாத்தி அருகே காரில் வைத்து பாலியல் பலாத்காரம் செய்ததாகவும், பல முறை வீட்டில் வைத்தே பாலியல் தொல்லை தந்துள்ளதாகவும் தெரிவித்துள்ளார்.

இதனையடுத்து எம்.எல்.ஏ. மீது வழக்கு பதிந்து விசாரணை மேற்கொண்ட பொலிசாரை ஏமாற்றிவிட்டு தாஸ் தலைமறைவானார்.

ஒரு மாதகாலமாக தலைமறைவாக இருந்த தாஸ், கம்ரூப் மாவட்ட நீதிமன்றத்தில் சரணைடிய வரும் வழியில் பொலிசார் கைது செய்துள்ளனர்.

இதனிடையே தாம் அந்த சிறுமியை பாலியல் பலாத்காரம் செய்யவில்லை எனவும், தமக்கு எதிராக அரசியல் சதி நடப்பதாகவும் தாஸ் தெரிவித்துள்ளார்.