38 வயது பெண்ணை பலாத்காரம் செய்து பணம் பறித்து வந்த நடிகர் அதிரடி கைது

பெங்களூருவை சேர்ந்த பெண்மணியுடன் உல்லாசமாக இருந்து அதை வீடியோ எடுத்து மிரட்டி பணம் பறித்த ஹிந்தி நடிகர் கைது செய்யப்பட்டுள்ளார்.
பெங்களூரு மைசூர் சாலை பகுதியை சேர்ந்தவர் 38 வயது பெண்மணி ஒருவர் திருமணமாகி மகள் உள்ள நிலையில் 23 வயதான ஹிந்தி சீரியல் நடிகர் சவுரப் சாய் சர்தாஜுடன் பழகியுள்ளார்.

ஒருநாள் அந்த பெண்ணின் வீட்டுக்கு சென்ற சவுரப்பை தனது கணவரிடமும் அந்த பெண் அறிமுகம் செய்து வைத்துள்ளார்.

எனவே, சவுரப் பெங்களூர் வரும்போதெல்லாம், ஹொட்டலில் தங்குவதற்கு பதிலாக அந்த பெண்ணின் கெஸ்ட் ஹவுசில் தங்கியுள்ளார்.

கடந்த சனவரி மாதம், சவுரப் அந்த பெண் வீட்டுக்கு சென்றபோது, வீட்டில் கணவர் இல்லை.

அப்போது, சவுரப் அந்த பெண்ணை பலாத்காரம் செய்து ரகசியமாக படம் பிடித்ததாக கூறப்படுகிறது.

இதன்பிறகு சவுரப் பெங்களூர் சென்ற போதெல்லாம், அந்த பெண்ணை வரவைத்து உல்லாசமாக இருந்துள்ளார்.

ஒருநாள் இருவரும் ஹொட்டலில் இருந்தபோது, அந்த பெண்ணின் கணவர் போன் செய்துள்ளார். ஆனால், நாள் முழுவதும் போன் எடுக்கப்படவில்லை.

இதனால் பயந்து போன கணவர், மனைவியை யாராவது கடத்தியிருக்கலாம் என நினைத்து, காவல் நிலையத்தில் புகார் அளிக்க செல்வதாக எஸ்.எம்.எஸ் அனுப்பியுள்ளார்.

இதையடுத்து வீடு திரும்பிய அந்த பெண், தோழிகள் சிலருடன் ரெசார்ட்டில் இருந்ததாக கூறியுள்ளார்.

இதனால் சந்தேகமடைந்த கணவர், மனைவியை அவரின் தாய்வீட்டில் விட்டுள்ளார்.

ஆனால் சவுரப் தொடர்ந்து அந்த பெண்ணுக்கு போன் செய்து அழைத்ததோடு, வீடியோவை கணவரிடம் காண்பிப்பதோடு இணையத்திலும் பதிவேற்றம் செய்துவிடுவேன் என்று பணம் கேட்டு மிரட்டியுள்ளார்.

தனது நகைகளை விற்று சவுரப்புக்கு அந்த பெண் சுமார் ரூ.15 லட்சம் பணம் வழங்கியுள்ளார்.

பணம் தர முடியவில்லை என்று அந்த பெண் கூறியபோது, அவரின் மகளை கொலை செய்துவிடுவேன் என்று சவுரப் மிரட்டியதால் அந்த பெண் காவல் நிலையத்தில் சவுரப்புக்கு எதிராக புகார் அளித்தார்.

அந்த புகாரில், ஜூஸில் மயக்க மாத்திரையை கலந்து என்னை பலாத்காரம் செய்து வீடியோவாக எடுத்து வைத்து தொடர்ந்து என்னை பலாத்காரம் செய்ததோடு பணமும் பறித்தார் என்று தெரிவிக்கப்பட்டுள்ளது.

இதையடுத்து மும்பை விரைந்த பெங்களூர் பொலிசார் சவுரப்பை கைது செய்து நீதிமன்ற காவலில் வைத்துள்ளனர்.