காதல் ஜோடியை பிணையகைதிகளாக பிடித்து வைத்துக்கொண்டு பணம் கேட்டு மிரட்டிய கும்பல்

உத்தரகாண்ட் மாநிலத்தில் காதல் ஜோடியை வலுக்கட்டாயமாக பிடித்து வைத்துக்கொண்டு ஒரு கும்பல் பணம் கேட்டு மிரட்டிய சம்பவம் அதிர்ச்சியை ஏற்படுத்தியுள்ளது.
உத்தரகாண்ட் மாநிலம் காஷிபூர் அருகே முஸ்லிம் காதல் ஜோடியை வலுக்கட்டாயமாக பிடித்து வைத்து அவர்களுக்கு தொல்லை தந்துள்ளது ஒரு கும்பல்.

அவர்களை விடுவிக்க வேண்டும் என்றால் தங்களுக்கு பணம் தர வேண்டும் என்றும் அந்த கும்பல் கோரிக்கை விடுக்கின்றது.

இது குறித்த வீடியோ பதிவொன்று வெளியாகி தற்போது சமூக வலைதளங்களில் வைரலாக பரவி வருகிறது.

இந்த சம்பவம் தொடர்பாக வழக்கு பதிவு செய்து அந்த கும்பலை கைது செய்ய உத்தரகாண்ட் பொலிஸ் உயர் அதிகாரிகள் உத்தரவிட்டுள்ளனர்.

பாதிக்கப்பட்ட பெண், சம்பவம் நடந்த பகுதியில் வந்த ஒரு முதியவரிடம் தங்களை அந்த கும்பலிடம் இருந்து காப்பாற்றுமாறு உதவி கோரியுள்ளார்.

ஆனால் அவர்களை பிடித்து வைத்திருந்தவன், ரூ.1000 தந்தால் தான் விடுவிப்பேன் என பதிலுக்கு தெரிவித்திருக்கிறான்.

இந்த வீடியோ பதிவு காஷிபூர் அருகே உள்ள துமாரியா அணை பகுதியில் எடுக்கப்பட்டு உள்ளது.

இந்த சம்பவம் குறித்து இதுவரை யாரும் பொலிசாரிடம் புகார் தெரிவிக்கவில்லை என்பது குறிப்பிடத்தக்கது.