ஆற்றுக்குள் குதித்து தற்கொலைக்கு முயன்ற நபர்..உயிரை காப்பாற்றிய பொலிஸ்: வைரலாய் பரவும் வீடியோ

மகாராஷ்டிராவில் உள்ள கோதாவரி ஆற்றில் குதித்து தற்கொலைக்கு முயன்றவரை பொலிசார் ஒருவர் காப்பாற்றியுள்ளார்.
மகாராஷ்டிராவில் 12 ஆண்டுகளுக்கு ஒருமுறை நாசிக்கில் கும்பமேளா விழா நடப்பது வழக்கம்.

தற்போது அங்கு கும்பமேளா விழா நடைபெற்று வரும் நிலையில், கும்பமேளாவின் 2வது அரச புனித நீராடல் நிகழ்ச்சி நேற்று முன்தினம் நடைபெற்றது.

இதையொட்டி, சாதுக்கள் உட்பட லட்சக்கணக்கான பக்தர்கள் கோதாவரி ஆற்றில் புனித நீராடினர்.

அப்போது, கோதாவரி ஆற்றுக்கு மேல் வேடிக்கை பார்த்துக் கொண்டிருந்த ஒருவர் திடீரென தற்கொலை செய்ய ஆற்றிற்குள் குதித்துள்ளார்.

இதையடுத்து ஆற்றுக்குள் குதித்தவரின் அருகில், பாதுகாப்பு பணிக்காக நின்று கொண்டிருந்த காவலர் தன் உயிரை பற்றி சற்றும் யோசிக்காமல் ஆற்றிற்குள் குதித்து அந்த நபரை காப்பாற்றினார்.

மேலும், இந்த காவலரின் வீரச்செயல், தற்போது சமூக வலைதளங்களில் வைரலாகப் பரவி வருகிறது.