முடக்குவாதத்தால் பாதிக்கப்பட்ட மாமியாரை தாக்கும் மருமகள்: வைரலாய் பரவும் வீடியோ

உத்தர பிரதேசத்தில் முடக்குவாதத்தால் பாதிக்கப்பட்ட மாமியாரை மருமகள் கொடுமைப்படுத்திய வீடியோ வெளியாகி பரபரப்பை ஏற்படுத்தியுள்ளது.
உத்தர பிரதேச மாநிலத்தில் உள்ள கோஷாம்பியைச் சேர்ந்த பெண் ஒருவர் முடக்குவாதத்தால் படுத்த படுக்கையாக இருக்கும் வயதான மாமியாரைப் பல காலமாக அடித்துத் துன்புறுத்தி வந்துள்ளார்.

இதையடுத்து மூதாட்டியின் கணவர் மற்றும் மகனும் அந்த அறையில் சிசிடிவி கமெராவை பொருத்தியுள்ளனர்.

சிசிடிவியில் பதிவாகிய அந்த வீடியோவில், அந்த பெண் படுத்தப்படுக்கையாக கிடக்கும் மாமியாரின் முகத்தில் பளார், பளார் என்று அடித்துள்ளார். அவரைக் கட்டிலில் இருந்து இழுத்து கீழே தள்ளியுள்ளார்.

இந்த வீடியோ தற்போது வெளியாகி பலரையும் அதிர்ச்சியடைய வைத்துள்ளது.