டாஸ்மாக்கில் போட்டி போட்டு மது அருந்தும் மூதாட்டிகள்: வைரலாக பரவும் வீடியோ

தமிழகத்தில் வயது முதிர்ந்த 2 பெண்மணிகள் மது அருந்தும் வீடியோ ஒன்று இணையத்தில் வெளியாகி வேகமாக பரவி வருகிறது.
தமிழகத்தில் அரசே பல ஆண்டுகளாக மது விற்பனை செய்து வருகிறது.

டாஸ்மாக் வருமானத்தில் தான் மக்களுக்கான இலவச திட்டங்களையே தமிழக அரசு மேற்கொண்டு வருவதால், திமுக, அதிமுக இரண்டு முக்கிய கட்சிகளுமே டாஸ்மாக்கினை மூடுவது பற்றி வாய் திறப்பதில்லை.

இந்நிலையில் கடந்த சில மாதங்களாகவே பச்சிளம் குழந்தைக்கு மது அருந்த கொடுத்த வீடியோ, காதல் தோல்வியில் தோழிகளுடன் மது அருந்தி போதையில் சாலையில் தகாத வார்த்தைகளை பேசிய பள்ளி மாணவி என பலவகையான செய்திகள் வெளியாகின.

ஆனால் தமிழக அரசோ டாஸ்மாக் விற்பனை குறைவுக்கான காரணம் பற்றி கண்டறிய குழு ஒன்றை அமைத்துள்ளதாக தகவல் வெளியாகியது.

இந்நிலையில், தற்போது மேலும் ஒரு வீடியோ பரபரப்பை ஏற்படுத்தி வருகிறது.

அந்த வீடியோவில் வயது முதிர்ந்த மூதாட்டிகள் இருவர் டாஸ்மாக் பாரில் மதுவினை வாங்கி, புட்டியை திறந்து அப்படியே மது அருந்துகின்றனர்.

இதனை யாரோ செல்போனில் வீடியோ எடுத்து இணையத்தில் வெளியிட்டுள்ளனர்.

ஆனால் அண்மையில் திமுக தலைவர் கருணாநிதி தனது அறிக்கையில், திமுக மீண்டும் ஆட்சிக்கு வந்தால் தமிழகத்தில் மதுவிலக்கு அமல்படுத்தப்படும் என்று அறிவித்தது குறிப்பிடத்தக்கது.