உலக கோடீஸ்வரர்களின் பட்டியலில் 11வது இடத்தில் இந்தியா: உலகச் செல்வ அறிக்கையில் தகவல்

கேப்ஜெமினி மற்றும் ஆர்.பி.சி. வெல்த் மேனேஜ்மெண்ட் ஆகியவை இணைந்து வெளியிட்ட உலகச் செலவ அறிக்கையின்படி அதிக கோடீஸ்வரர்களை கொண்ட நாடாக இந்தியா மாறியுள்ளது.
உலகச் செலவ அறிக்கையின்படி இந்தியாவில் 1.98 லட்சம் கோடீஸ்வரர்கள் இருப்பதாக தெரிய வந்துள்ளது.

இதன் மூலம் உலக அளவில் அதிக கோடீஸ்வரர்களைக் கொண்ட நாடுகளில் இந்தியா 11வது இடத்திற்கு முன்னேறியுள்ளது.

இது கடந்த 2014-ம் ஆண்டை அடிப்படையாக கொண்ட புள்ளி விபரங்களாகும்.

மேலும், ஆசிய-பசிபிக் நாடுகளில் அதிக கோடீஸ்வரர்களைக் கொண்ட நாடுகளின் பட்டியலில் இந்தியா 3-வது இடத்திற்கு உயர்ந்துள்ளது.

கடந்த 2013-ம் ஆண்டு இந்த எண்ணிக்கை 1.56 லட்சமாக இருந்தது.

மேலும் அதிக கோடீஸ்வரர்களைக் கொண்ட நாடுகளின் பட்டியலில் அமெரிக்கா முதலிடத்தில் உள்ளது.

அமெரிக்காவில் மட்டும் 43.51 லட்சம் கோடீஸ்வரர்கள் உள்ளதாக தகவல்கள் தெரிவிக்கின்றன.

இரண்டாவது இடத்தில் உள்ள ஜப்பான் நாட்டில் சுமார் 24.52 லட்சம் பேரும், 3வது இடத்தில் உள்ள ஜெர்மனியில் சுமார் 11.41 லட்சம் பேரும்,

4வது இடத்தில் உள்ள சீனாவில் சுமார் 8.9 லட்சம் பேரும் கோடீஸ்வரர்களாக உள்ளது குறிப்பிடதக்கது.