சுவிஸ் நாட்டில் பணம் சேமிக்கும் பட்டியலில் 61வது இடத்தில் இந்தியா

சுவிட்சர்லாந்தில் உள்ள வங்கிகளில் பணத்தை சேமிக்கும் வெளிநாடுகளின் பட்டியலில் இந்தியா 61வது இடத்தில் உள்ளதாக தகவல்கள் வெளியாகியுள்ளது.
உலகின் பல்வேறு நாடுகளில் உள்ளவர்கள், சுவிட்சர்லாந்தில் உள்ள மிகப் பெரிய வங்கிகளான யுபிஎஸ், கிரிடிட் சுவிஸ் ஆகிய இரண்டு வங்கிகளில் அதிக அளவு பணத்தை சேமித்து வருகின்றனர்.

இந்நிலையில் சுவிட்சர்லாந்தில் உள்ள வங்கிகளில் பணத்தை சேமிக்கும் வெளிநாடுகளின் பட்டியல் வெளியாகியுள்ளது.

அந்த பட்டியலில் இந்தியா 61வது இடத்தில் உள்ளதாக தெரியவந்துள்ளது.

இந்தப் பட்டியலில், அண்டை நாடான பாகிஸ்தான் 73வது இடத்தில் உள்ளது.

பிரிட்டன், அமெரிக்கா ஆகிய நாடுகள் முதல் இரண்டு இடங்களைத் தக்க வைத்துக் கொண்டுள்ளன.

சுவிட்சர்லாந்து வங்கிகளில் இந்தியர்கள் சேமிக்கும் பணத்தில் 10 சதவீதம் கடந்த ஆண்டு சரிவு ஏற்பட்டதாக சுவிஸ் மத்திய வங்கிகள் ஆணையம் அண்மையில் தகவல் வெளியிட்டது குறிப்பிடத்தக்கது.