உணவுக்காக விவசாயியைக் கடத்திய இருவர்: வாட்டும் வறட்சியால் நடந்த வினோதம்

மகாராஷ்டிராவில் வறட்சியால் பாதிக்கப்பட்ட பகுதியில், உணவுக்காக விவசாயியைக் கடத்திய சம்பவம் பெரும் அதிர்ச்சியை ஏற்படுத்தியுள்ளது.
வறட்சியால் பாதிக்கப்பட்ட சில்லோடு தாலுகாவைச் சேர்ந்த சுதாம் சுரத்கார் என்ற விவசாயி நேற்று தனது வயலுக்கு சென்ற போது, அவரை வழிமறித்த 2 நபர்கள், அவர் கையில் இருந்த உணவை பிடுங்கி உண்டுள்ளனர்.

மேலும், அந்த நபர்களின் பசி அதோடு அடங்கவில்லை. எனவே அவர்கள் அந்த விவசாயியை பிடித்து வைத்து அவரது வீட்டில் உள்ளவர்களை தொடர்பு கொண்டு, பெரிய பாத்திரத்தில் சாப்பாடு அனுப்பி வைத்தால்தான் விடுவிப்போம் என்று மிரட்டியுள்ளனர்.

பின்னர் அவர்களின் பிடியில் இருந்து தப்பிய சுதாம் வீட்டிற்கு சென்று சேர்ந்துள்ளார்.

மேலும், இந்த தகவல் அறிந்த பொலிசார் சென்று விசாரித்தபோது அப்படி ஒரு சம்பவம் நடந்ததாக புகார் கூற ஒருவரும் முன்வரவில்லை என்று அவுரங்காபாத் பொலிஸ் அதிகாரி ஒருவர் தெரிவித்துள்ளார்.