தேர்வு எழுதும் மாணவர்களுக்கு பெற்றோர்களே சுவர் ஏறி ”பிட்” கொடுத்த வினோதம்

பீகார் மாநிலத்தில் பத்தாம் வகுப்பு பொது தேர்வு எழுதும் மாணவர்களுக்கு பெற்றோர்களே ”பிட்” கொடுத்து உதவி செய்தது பெரும் அதிர்ச்சியை ஏற்படுத்தியுள்ளது.
பீகார் மாநிலத்தில் உள்ள ஹஜ்பூரில் பத்தாம் வகுப்பு பொது தேர்வு நடந்துள்ளது.

இந்நிலையில் அங்கு பள்ளிக்கு போடப்படிருந்த பொலிஸ் பாதுகாப்பையும் மீறி சென்ற பெற்றோர்கள் சிலர், தேர்வு எழுதும் தங்கள் பிள்ளைகளுக்கு பிட் கொடுத்து உதவி செய்துள்ளனர்.

இதற்காக பள்ளியின் ஐந்து மாடி கட்டிட சுவர் மீது ஏறிச்சென்று ஜன்னல் வழியாக பிட் கொடுத்தது பெரும் பரபரப்பை ஏற்படுத்தியுள்ளது.

பீகாரில் கடந்த வருடம் நடைபெற்ற தேர்வில் 75 சதவீத மாணவர்கள் தேர்ச்சி பெற்ற போது 200-க்கு மேற்பட்ட மாணவர்கள் பிட் அடித்து மாட்டிக்கொண்டனர்.

மேலும், அப்போது மாணவர்கள் தேர்ச்சி பெற பிட் வழங்கிய பெற்றோர்களை பொலிசார் கைது செய்தது குறிப்பிடத்தக்கது.