செடியின் விதை வகை

துத்தி விதை:
கை, கால்களில் உண்டாகும் கருமேகமும், தோல் நோய்களும், உட்சூடும் நீங்கும்.
தகரை விதை:
இதை ஊசிதத்தகரை என்றும் கூறுவர். வண்டுக்கடி, அரைக்கடுவன், நீங்காத தினவு, பலவித புடை, சொல்ல முடியாத பித்த வேகம் ஆகியவை நீங்கும்.
நீர்முள்ளி விதை:
பிரமேகம், அதிசாரம், கப சோபை, ஆயாசம் ஆகியவை நீங்கும். சுக்கிலமும், சப்த தாதுக்களும் விருத்தியாகும்.
ஊமத்தை விதை:
சுரம், தாவர சங்கம விஷம், சந்நிபாத தோஷம், அதிசாரம் ஆகியவை போகும்.
வெங்காய விதை:
முறைப்படி இதை சாப்பிடுபவர்களுக்கு உட்சூடு, குன்மம், சிறுநீர் கோளாறுகள் நீங்கும்.
துளசி விதை:
நீர், எரிச்சல், சீதபேதி, உட்காங்கை முதலியவை நீங்கும்.
முள்ளங்கி விதை:
மலத்தையும், நீரையும் ஒழுங்காக கழிக்க செய்யும். சிறுநீரில் ஏற்படும் கல்லடைப்பை நிவர்த்தி செய்யும்.
உருத்தரசடை:
இதை பாகம் செய்து சாப்பிட்டால் மேக வெள்ளை, சீதபேதி, இரத்த மூலம் ஆகியவை நீங்கும்.