திருடிய காரில் சவாரிக்கு ஆட்களை ஏற்றி சென்ற பலே திருடன்: அதிரடி கைது

சென்னையில் காரை திருடிச் சென்ற திருடன் ஒருவன், அதில் சவாரிக்கு ஆட்களை ஏற்றி சென்றது தெரியவந்துள்ளது.
சென்னை பொலிசார் இதுகுறித்து கூறுகையில், புதுவண்ணாரப்பேட்டை பகுதியைச் சேர்ந்த தாமோதரன் என்பவரின் காரை காணவில்லை.

இதையடுத்து அவர் அளித்த புகாரின் பேரில், காரில் பொருத்தி இருந்த ஜி.பி.ஆர்.எஸ். கருவி மூலம் காரை பொலிஸார் கண்காணித்தனர்.

அப்போது அந்த கார் பெரியபாளையம் நோக்கிச் செல்வது தெரிந்ததால், உடனடியாக பொலிஸார் காரை மடக்கி பிடித்தனர். அப்போது காரில் 5-க்கும் மேற்பட்ட பயணிகள் இருந்தனர்.

அதை ஓட்டி சென்ற செம்மஞ்சேரியை சேர்ந்த முரளியை கைது செய்தனர்.

மேலும் விசாரணையில், சென்னையில் இருந்து பெரியபாளையத்துக்கு சென்றவர்களை முரளி திருடிய காரில் சவாரி ஏற்றிச் சென்றது தெரிய வந்துள்ளது.