கூகுளின் புதிய தலைவராக தெரிவு செய்யப்பட்டுள்ள தமிழர்!

கூகுள் நிறுவனம் இந்தியர் சுந்தர் பிச்சையை தலைமை செயல் அதிகாரியாக அறிவித்துள்ளது.
இணைய தேடுபொறி இயந்திரமான கூகுள் நிறுவனம் அதனை சீரமைப்பு செய்யும் பணிகளை துவங்கியுள்ளது.

இந்நிலையில், அதன் தலைமை செயல் அதிகாரியாக தமிழகத்தில் பிறந்த சுந்தர் பிச்சையை நியமித்துள்ளது.

1972-ல் சென்னையில் பிறந்த சுந்தர் பிச்சை, ஐஐடி கரக்பூரில் தொழில்நுட்பவியல் படித்தவர்.

ஸ்டான்ட்ஃபோர்டு பல்கலைக் கழகத்தில் மேற்படிப்பும் வார்டன் ஸ்கூலில் எம்பிஏ பட்டமும் பெற்ற இவர், 2004-ம் ஆண்டு கூகுளில் சேர்ந்தார்.

சுந்தர் பிச்சை ஆண்ட்ராய்ட், கூகுள் க்ரோம் மற்றும் கூகுள் ஆப்ஸ் பிரிவுக்குத் தலைவராக இருந்தார்.

மைக்ரோசாஃப்ட், ட்விட்டர் நிறுவனங்கள் சுந்தரைக் தங்கள் நிறுவனத்தில் இணைக்க முயற்சிக்கும் ஒவ்வொரு முறையும், 50 கோடி ரூபாய் போனஸ் கொடுத்து சுந்தரைத் தக்கவைத்தது கூகுள் நிறுவனம்.

மிகப்பெரிய தொழில்நுட்ப நிறுவனங்களான மைக்ரோசாஃப்ட், கூகுள் இரண்டிலுமே தற்போது சிஇஓ பதவியை வகிப்பது இந்தியர்கள் தான் என்பது குறிப்பிடத்தக்கது.