தற்கொலை செய்து கொள்ள அனுமதி தாருங்கள்: 70 ‘வியாபம்’ கைதிகள் ஜனாதிபதிக்கு கடிதம்

வியாபம் ஊழலில் கைது செய்யப்பட்டு சிறையில் அடைக்கப் பட்டிருக்கும் 70 பேர் குடியரசுத் தலைவருக்கு தற்கொலை செய்து கொள்ள அனுமதி தாருங்கள் என கடிதம் அனுப்பியுள்ளனர்.
குவாலியர் சிறையில் அடைக்கப் பட்டிருக்கும் 70 பேர் குடியரசுத் தலைவருக்கு கடிதம் அனுப்பியுள்ளனர்.

வியாபம் எனப்படும் மத்தியப் பிரதேச தொழில் கல்வி தேர்வு வாரியத்தில் மிகப்பெரிய ஊழல் நடைபெற்றதாகக் புகார் எழுந்தது.

இந்த முறைகேடு தொடர்பாக தற்போது உச்சநீதிமன்ற கண்காணிப்பின் கீழ் சிபிஐ விசாரணை நடத்தி வருகிறது.

இந்நிலையில், இந்த ஊழல் தொடர்பாக கைது செய்யப்பட்டு குவாலியர் சிறையில் அடைத்து வைக்கப் பட்டிருக்கும் 70 பேர் குடியரசுத் தலைவருக்கு கடிதம் ஒன்றை எழுதியுள்ளனர்.

அதில், சிறைக்குள் நாங்கள் மனரீதியாக மிகுந்த உளைச்சலுக்குள்ளாகி இருக்கிறோம்.

அதனால், எங்களுக்கு தற்கொலை செய்து கொள்ள அனுமதி தாருங்கள் என வேண்டுகோள் விடுத்துள்ளனர்.