கோழி மிளகு குருமா

1. கோழி - 1/2 கிலோ (எலும்புடன்)
2. எண்ணெய் - தாளிக்க
3. வெங்காயம் - 1 (பொடியாக நறுக்கியது)
4. தக்காளி - 1 (பொடியாக நறுக்கியது)
5. பூண்டு - 1 (முழுசு, பொடியாக நறுக்கியது)
6. மிளகாய் தூள் - 1/2 தேக்கரண்டி
7. மல்லி தூள் - 1/2 தேக்கரண்டி
8. மிளகு தூள் - 3 தேக்கரண்டி
9. மஞ்சள் தூள் - 1/2 தேக்கரண்டி
10. கருவேப்பிலை, கொத்தமல்லி
11. உப்பு
12. பட்டை, லவங்கம்
அரைக்க:
1. பச்சை மிளகாய் - 2
2. தேங்காய் - 1/4 கப்
3. முந்திரி - 5
4. பாதாம் - சுடானா தண்ணீரில் ஊற வைத்து தோல் உரித்தது 5
5. தயிர் - 1 மேஜைக்கரண்டி


அரைக்க வேண்டிய அனைத்தையும் தண்ணீர் குறைவாக சேர்த்து மைய்ய அரைக்கவும்.
பாத்திரத்தில் எண்ணெய் விட்டு, காய்ந்ததும் பட்டை, லவங்கம் சேர்த்து தாளிக்கவும்.
இதில் வெங்காயம், பூண்டு சேர்த்து நன்றாக வதக்கவும்.
வெங்காயம் வதங்கியதும், தக்காளி சேர்த்து வதக்கவும்.
தக்காளி குழைந்து வரும் போது, கோழி, மஞ்சள் தூள் சேர்த்து மூடி போட்டு வேக விடவும்.
கோழி வெந்ததும், மிளகாய் தூள், தனியா தூள், மிளகு தூள், உப்பு, கருவேப்பிலை, கொத்தமல்லி, அரைத்த மசாலா சேர்த்து கொதிக்கவிட்டு எடுக்கவும்.