அப்பாவுடன் வாழ ஆசைப்பட்ட மகன்: கிரிக்கெட் மட்டையால் அடித்துக் கொன்ற தாய்

மஹாராஸ்டிராவில் தந்தையுடன் சேர்ந்து வாழ விரும்பிய மகனை தாயே கிரிக்கெட் மட்டையால் அடித்துக் கொன்ற சம்பவம் பரபரப்பை ஏற்படுத்தியுள்ளது.
புனே நகரின் விஷ்ரண்ட்வாடி பகுதியைச் சேர்ந்த தம்பதியர் சமீபத்தில் விவாகரத்து பெற்றுள்ளனர். அவர்களுக்கு சைதன்யா என்ற 13 வயது உள்ளான்.

பெற்றோர் விவாகரத்து மூலம் பிரிந்ததால் அதிர்ச்சியடைந்த மகன், தந்தையுடன் வாழ ஆசைப்பட்டதை, அவனது தாய் ஏற்றுக் கொள்ளவில்லை.

கடந்த சில நாட்களாகவே மகனை அன்பாகவும், மிரட்டியும் தன்னுடன் வாழுமாறு கூறியுள்ளார்.

ஆனால், சிறுவன் எப்போதும் தந்தையின் நினைவுடனேயே இருந்ததால் ஆத்திரமடைந்த அந்தப் பெண், வீட்டில் இருந்த கிரிக்கெட் மட்டையால் சைதன்யாவைக் கண்மூடித் தனமாகத் தாக்கியுள்ளார்.

இதில் படுகாயமடைந்த சைதன்யா, மருத்துவமனையில் அனுமதிக்கப்பட்டு சிகிச்சைப் பலனின்றி பரிதாபமாக உயிரிழந்தான்.

தற்போது சைதன்யாவின் தாய் மீது பொலிசார் வழக்குப்பதிவு செய்து, விசாரணை நடத்தி வருகின்றனர்.