இந்தியாவில் 800-க்கும் மேற்பட்ட ஆபாச இணையதளங்கள் முடக்கம்

இந்தியாவில் மத்திய அரசு 800-க்கும் மேற்பட்ட ஆபாச இணையதளங்களை தடை செய்துள்ளதாக தகவல்கள் வெளியாகியுள்ளது.
இந்தியாவில் இணைய சேவை (ISPs) வழங்கும் நிறுவனங்களிடம், ஆபாச இணையதளங்களை தடை செய்யும் படி மத்திய அரசு கோரியிருப்பதாக தெரியவந்துள்ளது.

தகவல் தொடர்பு அதிகாரிகள் கூறுகையில், சில வலைத்தளங்களை திறனாய்வு செய்த போது அவற்றில் சில மிகவும் ஆபாசமாக இருந்தன.

அந்த வலைத்தளங்கள் மூலம் சமூக விரோத நடவடிக்கைகள் பரப்பபடுவதால் தடை செய்யும் படி இணைய சேவை வழங்குநர்களுக்கு கடிதங்கள் அனுப்பபட்டுள்ளது என தெரிவித்துள்ளனர்.

மத்திய அரசின் இந்த முடிவிற்கு ஆதரவும் எதிர்ப்பு கலந்து வெளிப்பட்டு வருகிறது.

மேலும், சில இணையவாசிகள், இந்தியாவை ஆர்.எஸ்.எஸ். கையகப்படுத்தும் வேலைகளை தொடங்கியுள்ளதாக கருத்து தெரிவித்துள்ளனர்.