இளம்பெண்ணிடம் செல்போனில் ஆபாச பேச்சு: கட்டிட தொழிலாளி கைது!

நாகர்கோவிலில் இளம்பெண்ணிடம் கைப்பேசியில் ஆபாசமாகப் பேசி தொந்தரவு செய்த இளைஞர் ஒருவரை பொலிசார் கைது செய்துள்ளனர்.
நாகர்கோவில் அருகே திருவட்டாரை அடுத்த அணைக்கரை பகுதியில் இளம்பெண் ஒருவர் தனது குழந்தையுடன் தனியாக வசித்து வருகிறார்.

இவரது கணவர் வெளிநாட்டில் வேலை பார்த்து வரும் நிலையில், கடந்த சில நாட்களுக்கு முன்னர் கீதாவின் கைபேசிக்கு புதிய எண் ஒன்றில் இருந்து மிஸ்டு கால் வந்துள்ளது.

திரும்பவும் பேசிய அந்த நபர், தவறுதலாக அவருக்கு போன் செய்து விட்டதாகவும், இனி அவ்வாறு செய்ய மாட்டேன் எனவும் கூறியுள்ளார்.

பின்னர் தொடர்ந்து அந்த எண்ணில் இருந்து அழைப்பு வந்ததோடு, தொடக்கத்தில் சாதாரணமாக பேசிய அந்த நபர், ஆபாசமாக பேச தொடங்கியுள்ளார்.

இதனால், அதிர்ச்சி அடைந்த அந்த பெண், அந்த நபரை எச்சரித்தும் மீண்டும், மீண்டும் தொல்லை கொடுத்துள்ளார்.

அந்த நபரின் நடவடிக்கையால் மனமுடைந்த அந்த பெண், இது தொடர்பாக தனது உறவினர்களிடம் தெரிவித்துள்ளார்.

எனவே தனக்கு தொல்லை கொடுக்கும் நபர் குறித்து திருவட்டார் பொலிசில் புகார் அளித்துள்ளார்.

வழக்குப் பதிவு செய்த பொலிசார் நடத்திய விசாரணையில், கைப்பேசி எண் மூலம் அந்த நபரின் முகவரியை கண்டு பிடித்துள்ளனர்.

அவர் தக்கலையை அடுத்த கொற்றியோடு, ஈத்தவிளையைச் சேர்ந்த கட்டிட தொழிலாளியான இருதயராஜ் என தெரியவந்துள்ளது.

மேலும், அவர் தான் கைப்பேசி மூலம் தொல்லை கொடுத்தது என உறுதியானதை அடுத்து, இருதயராஜை கைது செய்து விசாரித்து வருகின்றனர்.