பயணிகள் பஸ்ஸில் கஞ்சா கொண்டு சென்றவர் கைது

தங்காலையிலிருந்து திருகோணமலைக்குச் செல்லும் பயணிகள் பஸ்ஸில் ஒரு கிலோ கஞ்சாவைக் கொண்டு சென்ற ஒருவரை இன்று காலையில் கைது செய்துள்ளதாக கந்தளாய் பொலிஸார் தெரிவித்தனர்.
தங்காலை பஸ்ஸில் கஞ்சா கொண்டு செல்வதாக கந்தளாய் பொலிஸாருக்கு கிடைத்த இரகசியத் தகவலின் அடிப்படையில்,

குறித்த பஸ்சை நிறுத்தி சோதனை மேற்கொண்ட போது ஒருவரின் பயணப்பொதியில் கஞ்சா இருந்ததை கண்டு பிடித்ததாக பொலிஸார் தெரிவித்தனர்.

சந்தேக நபர் இதற்கு முன்னரும் பல தடவைகள் இவ்வாறு கஞ்சா கொண்டு சென்றுள்ளதாகவும் பொலிஸார் தெரிவிப்பதோடு, சந்தேக நபரை தடுத்து வைத்து விசாரணைகள் மேற்கொண்டு வருவதோடு நீதிமன்றில் ஆஜர்படுத்த உள்ளதாகவும் கந்தளாய் பொலிஸார் தெரிவித்தனர்.