பிரதமர் மோடி சுற்றுப்பயணம் செல்லாத நாடு எது? தேர்வில் கேட்கப்பட்ட கேள்வியால் பரபரப்பு!

கேரளாவில் நடைபெற்ற ஒரு தேர்வில், பிரதமர் மோடி சுற்றுப்பயணம் செல்லாத நாடு எது? என்று கேள்வி கேட்கப்பட்டுள்ளது பெரும் பரபரப்பை ஏற்படுத்தியுள்ளது.
கேரளாவின் உயர் நீதிமன்றத்திற்கான உதவியாளர் பணிக்காக நடந்த எழுத்துத் தேர்வில்தான் இந்த சர்ச்சைக்குரிய கேள்வி கேட்கப்பட்டுள்ளது.

அந்த கேள்வி, பின்வரும் நாடுகளில் நரேந்திர மோடி பார்வையிடாத நாடு எது?

அ) அமெரிக்கா, ஆ) ஆஸ்திரேலியா, இ) இங்கிலாந்து, ஈ) தென் கொரியா என்று கேட்கப்பட்டுள்ளது.

பிரதமர் மோடியின் வெளிநாட்டு பயணங்களை விமர்சிக்கும் வகையில் இந்த கேள்வி முன் வைக்கப்பட்டதாக கூறப்படுகிறது.

தற்போது, இது குறித்து கேரள நீதிமன்றம் விசாரணை நடத்த முடிவு செய்துள்ளது.