ஆட்டோ ஓட்டுனருக்கு பாலியல் தொல்லை அளித்த இளம்பெண் கைது

டெல்லியில் பெண் ஒருவர் ஆட்டோ ஓட்டுனர் மீது பாலியல் வன்முறையில் ஈடுபட்ட சம்பவம் பெரும் பரபரப்பை ஏற்படுத்தியுள்ளது.
தெற்கு டெல்லி பகுதியில் ரேணு லால்வானி (32) என்ற பெண், தனது ஆப்பிரிக்க தோழியுடன் தனது வீட்டுக்கு செல்ல ஆட்டோவில் சென்றுள்ளார்.

உமேஷ் பிரசாத் (41) என்ற ஓட்டுனரின் ஆட்டோவில் சென்ற அவர்கள், வீடு வந்ததும், தனது உடைமகளை வீட்டில் கொண்டுவந்து வைக்கும்படி கூறியுள்ளார்.

இதையடுத்து அவர் உடைமைகளை 2–வது மாடியில் உள்ள அவரது வீட்டிற்கு கொண்டு சென்றுள்ளார்.

அங்கு உமேஷுக்கு குடிக்க தண்ணீர் கொடுத்த ரேணு, சிறிது நேரம் ஓய்வு எடுத்துக் கொள்ளும்படி கூறியுள்ளார்.

மேலும், சிறிது நேரத்தில் கதவை உள்புறம் பூட்டிய ரேணு, மது குடிக்கும்படி கூறியதோடு, தன்னுடன் உறவு கொள்ளும்படியும் வற்புறுத்தியுள்ளார்.

இதற்கு மறுப்பு தெரிவித்த உமேஷுக்கு பாலியல் ரீதியான தொல்லைகளை செய்துள்ளார்.

இந்த சம்பவங்கள் அனைத்தையும் ரேணுவின் ஆப்பிரிக்க தோழி ஹிதிஜா வீடியோ எடுத்துள்ளார்.

பின்னர் அங்கிருந்து பால்கனி வழியாக முதல்மாடி பால்கனிக்கு குதித்து தப்பிய உமேஷின் கால்களில் முறிவு ஏற்பட்டுள்ளது.

அந்த பகுதியில் இருந்தவர்களின் உதவியுடன் உமேஷ் இதுபற்றி பொலிசில் புகார் அளித்ததை அடுத்து, ரேணு லால்வானியை கைது செய்துள்ளனர்.