வெந்தய களி வேறுவகை

பச்சரிசி - 1/2 கப்
வெந்தயம் - 1 1/2 மேசைக்கரண்டி
கருப்பட்டி அல்லது வெல்லம் - 200 கிராம் (இனிப்பு குறைவாக போதுமென்றால் குறைத்து கொள்ளவும்)
தேங்காய் பால் - 2 கப்
நெய் - 2 மேசைக்கரண்டி


பச்சரிசி, வெந்தயம் இரண்டையும் கலந்து 2 மணிநேரம் ஊறவைத்து கிரைண்டரில் அல்லது மிக்ஸியில் மையாக அரைக்கவும்.
கருப்பட்டி அல்லது வெல்லத்தை கரைத்து வடிகட்டவும். வாணலியில் அரைத்த விழுது, தேங்காய்பால், கருப்பட்டி கரைசல் கலந்து கட்டியில்லாமல் கிளறவும்.
அடுப்பில் வைத்து 1 மேசைக்கரண்டி நெய் விட்டு கிளறவும். மாவு வெந்து களி பதத்திற்கு வந்ததும் மீதமுள்ள நெய்விட்டு கிளறி இறக்கவும். கருப்பட்டி மணத்துடன் களி ரெடி.