ஆம்பூர் கலவரத்திற்கு காரணமான இளம்பெண் மீட்பு: பொலிசார் தீவிர விசாரணை

by oviya Sun Jul 05, 2015 2:41 pm

ஆம்பூரில் கலவரம் ஏற்படக் காரணமாக அமைந்த இளம்பெண் பவித்ராவை வேலூர் மாவட்டம் மேல்பாடி கிராமத்தில் பொலிசார் மீட்டுள்ளனர்.
பள்ளிகொண்டா குச்சிபாளையத்தை சேர்ந்த பழனி என்பவரது மனைவி பவித்ரா, கடந்த மே மாதம் 24ம் திகதி காணாமல் போய் விட்டதாக புகார் அளிக்கப்பட்டுள்ளது.

இதையடுத்து நடந்த பொலிஸ் விசாரணையில், ஆம்பூரைச் சேர்ந்த ஷமில் அகமது விசாரணையின் போது உடல்நல பாதிப்பு ஏற்பட்டு, சிகிச்சை பலனின்றி பரிதாபமாக உயிரிழந்தார்.

ஷமில் அகமதின் உயிரிழப்பை அடுத்து, ஆம்பூரில் கடந்த 27ம் திகதி இரவு வெடித்த கலவரத்தில், பொதுச்சொத்துக்கள் சேதப்படுத்தப் பட்டன.

இதையடுத்து சம்பந்தப்பட்ட பொலிஸ் அதிகாரி பணியிடை நீக்கம் செய்யப்பட்டார்.

இதற்கிடையே, மாயமான பவித்ராவை மீட்டுத் தரக்கோரி அவரது கணவர் பழனி சென்னை ஹைகோர்ட்டில் ஆட்கொணர்வு மனுத்தாக்கல் செய்தார்.

எனவே, பவித்ராவை கண்டுபிடிக்க தனிப்படை அமைக்கப்பட்ட நிலையில், பவித்ரா மேல்பாடி கிராமத்தில் மீட்கப்பட்டுள்ளார்.

பவித்ரா உயிருடன் கிடைத்துள்ளதால் ஆம்பூர் கலவர வழக்கில் திருப்பம் ஏற்பட்டுள்ளது.

தற்போது பவித்ராவிடம் வேலூர் எஸ்.பி. செந்தில்குமாரி, தொடர்ந்து விசாரணை நடத்திவருகிறார்.