குப்பைகூடத்தில் துண்டு துண்டாக வெட்டப்பட்டு கிடந்த பெண்ணின் சடலம்: பொலிசார் தீவிர விசாரணை

உத்திரப்பிரதேசத்தில் பெண் ஒருவரின் உடல், துண்டு துண்டாக வெட்டப்பட்டு குப்பைகூடத்தில் வீசப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.
உத்திரப்பிரதேச மாநிலத்தில் உள்ள ரேபரேலியில் மில் ஏரியா என்ற பகுதியில் குப்பைகளை சேகரித்து கொட்டும் இடம் அமைந்துள்ளது.

இந்நிலையில், அந்த இடத்தில் பெண் ஒருவரின் உடல் பாகங்கள் துண்டுத் துண்டாக கிடந்ததை பார்த்த மக்கள் கடும் அதிர்ச்சியடைந்துள்ளனர்.

இதையடுத்து பொலிசாருக்கு தகவல் அளிக்கப்பட்டதை தொடர்ந்து சம்பவ இடத்திற்கு பொலிசார் விரைந்து சென்றுள்ளனர்.

பொலிசார் அந்த உடல் பாகங்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்துள்ளனர்.

தற்போது கொலை செய்யப்பட்ட பெண் யார், அவர் எதற்காக கொலை செய்யப்பட்டார் என்பது குறித்து பொலிசார் தீவிர விசாரணை நடத்தி வருகின்றனர்.

மேலும், அந்த பெண் பலாத்காரம் செய்து கொல்லப்பட்டாரா என்பது பற்றி பிரேத பரிசோதனை அறிக்கை வந்த பின்னரே தெரிய வரும் என்று பொலிசார் தெரிவித்துள்ளனர்.