வாக்காளர்களை விட அதிக வாக்குகள் பதிவு: இன்று மறுவாக்குப் பதிவு தொடக்கம்

ஆர்.கே.நகர் இடைத்தேர்தலில் வாக்காளர்களை விட அதிக வாக்குகள் பதிவான 181வது வாக்குச் சாவடியில் இன்று மறுவாக்குப் பதிவு நடைபெற்று வருகிறது.
சென்னை ஆர்.கே.நகர் சட்டசபை தொகுதிக்கான இடைத்தேர்தல் வாக்குப் பதிவு நேற்று முன்தினம் நடைபெற்றது.

2 லட்சத்து 40 ஆயிரத்து 543 வாக்காளர்களை கொண்ட அந்த தொகுதியில் 230 வாக்குச்சாவடி மையங்கள் அமைக்கப்பட்டு வாக்குப்பதிவு நடைபெற்றது.

இதில் மொத்தம் 74.4 சதவீதம் வாக்குகள் பதிவானது குறிப்பிடத்தக்கது.

ஆனால் இந்த தொகுதியின் 181-வது வாக்குச்சாவடியில், வாக்காளர்கள் பட்டியலை விட கூடுதலான வாக்குகள் பதிவாகி இருந்தது பரபரப்பை ஏற்படுத்தியது.

இதனால் 181-வது வாக்குச்சாவடியில் இன்று மறு வாக்குப்பதிவு நடைபெறும் என்று தமிழ்நாடு தலைமை தேர்தல் அதிகாரி சந்தீப் சக்சேனா அறிவித்தார்.

எனவே இன்று காலை 8 மணிக்கு மறுவாக்குப் பதிவு தொடங்கியது. இந்த வாக்குப் பதிவு மாலை 5 மணி வரை நடைபெற உள்ளது.

மேலும், இதற்கு புதிய மின்னணு வாக்குப்பதிவு எந்திரம் பயன்படுத்தப்பட்டு வருகிறது.