அரசியல்வாதி என்பவன் நகைச்சுவைக்குரிய கதாபாத்திரமாக மாறியுள்ளான்: மஹிந்த அமரவீர

அரசியல்வாதி என்றாலே நகைச்சுவை கதாபாத்திரமாக மாறிவிட்டார்கள் என மீன்பிடித்துறை அமைச்சர் மஹிந்த அமரவீர தெரிவித்துள்ளார்.
அரசியல்வாதிகளின் பல்வேறு நடவடிக்கைகள் காரணமாகவே இந்நிலைமை ஏற்பட்டுள்ளதாகவும் இந்த நிலைமை மாற்றப்பட வேண்டும் எனவும் அவர் தெரிவித்துள்ளார்.

சூரியவெவ, முவன்பெலஸ்ஸ பிரதேசத்தில் இன்று ஞாயிற்றுக்கிழமை இடம்பெற்ற மக்கள் சந்திப்பொன்றில் கலந்து கொண்டு கருத்து வெளியிடும் போதே அவர் இதனை தெரவித்துள்ளார்.

மேலும்,விரும்பு வாக்குமுறைமையற்ற தேர்தல் முறைமையொன்றை புதிய ஜனாதிபதி அமைச்சரவையில் சமர்ப்பித்துள்ளார்.

அதன் படி ஒரே கட்சிக்குள் பிரச்சினையை ஏற்படுத்திக்கொள்ளும் தேர்தல் முறைமைக்கு பதிலாக புதிய தேர்தல் முறைமையொன்று அறிமுகப்படுத்தப்பட்டுள்ளது.

இதனால் இன்று அரசியல்வாதி என்பவன் நகைச்சுவைக்குரிய கதாபாத்திரமாக மாறியுள்ளான். எனவே விருப்பு வாக்கு தேர்தல் முறையை மாற்றப்பட வேண்டும் எனவும் அமைச்சர் மேலும் கூறினார்.