எந்தவிதமான வரப்பிரசாதங்களையும் பெற்றுக்கொள்ளப் போவதில்லை: மஹிந்த அமரவீர

புதிய அரசாங்கத்தில் அமைச்சுப் பொறுப்புக்களை பெற்றுக் கொண்ட போதிலும் அமைச்சர்களுக்கான எந்தவிதமான வரப்பிரசாதங்களையும் பெற்றக்கொள்ளப் போவதில்லை என மீன்பிடித்துறை அமைச்சர் மஹிந்த அமரவீர தெரிவித்துள்ளார்.
குறிப்பாக அமைச்சர்களுக்கான சம்பளங்களைக் கூட பெற்றுக் கொள்ளப் போவதில்லை, நாடாளுமன்ற உறுப்பினர்களுக்கான சம்பளங்களே பெற்றுக்கொள்ளப்படும்.

அமைச்சுப் பதவி பெற்றுக் கொண்டாலும் மக்களுக்கு விரோதமான முறையில் செயற்பட்டால் அதற்கு எதிராக விமர்சனங்களை முன்வைக்க தயங்கப் போவதில்லை.

அண்மைய நாட்களில் அரசியல் ரீதியாக பழிவாங்கப்பட்டவர்களுக்கு நியாயம் வழங்க தேவையான நடவடிக்கைகள் எடுக்கப்படும்.

இது தொடர்பிலான அமைச்சரவைப் பத்திரமொன்று முன்வைக்கப்பட உள்ளது.

பேராசை காரணமாகவே இவ்வாறு அமைச்சுப் பதவி பெற்றுக்கொண்டதாக குற்றம் சுமத்தினாலும், ஜனாதிபதி மைத்திரிபால சிறிசேனவின் நோக்கங்களை பூர்த்தி செய்து கொள்ள ஒத்துழைப்பு வழங்குவதே எனது நோக்கம் என மஹிந்த அமரவீர கொழும்பு ஊடகங்களுக்குத் தெரிவித்துள்ளார்.