லஞ்சத்தை வாங்கி பேன்ட் பாக்கெட்டில் திணித்து கொண்ட பலே பெண் பொலிஸ்: வீடியோவால் பரபரப்பு

பெண் பொலிஸ் அதிகாரி ஒருவர் சாலையில் வைத்து லஞ்சம் வாங்கி அதை தனது பேன்ட் பாக்கெட்டில் வைக்கும் வீடியோ ஒன்று வாட்ஸ் ஆப்பில் வைரலாக பரவி வருகிறது.
சென்னை அருகே உள்ள கும்மிடிப்பூண்டி பகுதியில் எடுக்கப்பட்டதாக கூறப்படும் அந்த வீடியோவில், பெண் பொலிஸ் அதிகாரி ஒருவர் சாலையில் பைக்கில் வந்த இருவரை மடக்கி நிறுத்துகிறார்.

பின்னர் ஒரு இளைஞர் அந்த பெண் பொலிசார் கையில் பணத்தைத் கொடுக்கிறார்.

அதை அந்த பெண் பொலிஸ் அதிகாரி வாங்கி தனது பேன்ட் பாக்கெட்டில் திணித்து கொண்டே கையில் வாக்கி டாக்கியில் பேசுவது போல பாவனை காட்டுகிறார். அவருடன் கூடவே 2 ஆண் பொலிஸாரும் நிற்கின்றனர்.

அவரது முகம் தெளிவாகத் தெரிவதோடு, அவர் முன்பு சென்னையில் பணியாற்றியவர் என்று கூறப்படுகிறது.

மேலும், இந்த சம்பவம் வாகன சோதனை போலத் தெரிந்தாலும் பொலிசார் அனைவருமே காக்கி சீருடையில் தான் உள்ளனரே தவிர, டிராபிக் பொலிசார் சீருடையில் இல்லை என்பது குறிப்பிடத்தக்கது.