சிறுவனை சங்கிலியால் கட்டிப்போட்டு சிறைவைத்த பொலிசார்: வீடியோவால் பரபரப்பு

ஆந்திராவில் பொலிசார் 13 வயது சிறுவனை 5 நாட்கள் காவல்நிலையத்தில் சங்கிலியால் கட்டிப்போட்டு சிறைவைத்தது தற்போது அம்பலமாகியுள்ளது.
ஆந்திராவின் பிரகாசம் மாவட்டத்தில் உள்ள காவல் நிலையத்தில் செயின் பறித்ததாக வந்த குற்றச்சாட்டு ஒன்றின் பேரில், 13-வயது சிறுவனை பொலிசார் பிடித்துள்ளனர்.

இதையடுத்து அந்த சிறுவனை காவல் நிலையத்தில் 5 நாட்களுக்கு சிறை வைத்ததாக கூறப்படுகிறது.

இதுதொடர்பாக தற்போது வீடியோ ஒன்று வெளியாகி பெரும் சர்ச்சையை ஏற்படுத்தியுள்ளது.

அந்த வீடியோவில், அந்த சிறுவனின் காலை சங்கிலியால் பிணைத்து ஜன்னலில் கட்டி வைக்கப்பட்டிருக்கும் காட்சிகள் பதிவாகியுள்ளது.

தற்போது இதுபற்றி கருத்து தெரிவித்துள்ள காவல்துறை கண்காணிப்பாளர் ஸ்ரீகாந்த், சம்பவம் நடந்த போது காவல்நிலையத்தில் ஒரே ஒரு காவலர் மட்டுமே இருந்துள்ளார்.

எனவே அவர் சாப்பிட வெளியே சென்ற போது சிறுவன் ஓடிவிடாமல் இருக்க சங்கிலியால் கட்டி போட்டுள்ளார்.

இதுபற்றி விசாரனை மேற்கொள்ளப்பட்டு வருவதாக தெரிவித்துள்ளார்.

ஆனால் சிறுவனை 5 நாட்கள் காவல் நிலையத்தில் அடைத்து வைத்ததோடு, சங்கிலியால் கட்டிப்போட்டது கடும் விமர்சனத்துக்கு உள்ளாகியுள்ளது.