பொலிசாரை செருப்பால் அடிக்க முயன்ற திருநங்கை: வாட்ஸ் அப் வீடியோவால் பரபரப்பு

சென்னையில் திருநங்கை ஒருவர் போக்குவரத்து பொலிசார் ஒருவரை செருப்பால் அடிக்க முயன்ற வீடியோ ஒன்று வாட்ஸ்அப் மூலம் வேகமாக பரவி வருகிறது.
சென்னையில் உள்ள போக்குவரத்து சிக்னல் ஒன்றில் எடுக்கப்பட்டுள்ள அந்த வீடியோ காட்சியில், மொபட் வண்டியில் வரும் இரண்டு திருநங்கைகளை போக்குவரத்து பொலிசார் ஒருவர் தடுத்து நிறுத்துகிறார்.

மொபட்டின் பின்புறம் அமர்ந்திருந்த திருநங்கை, அந்த பொலிசாரை எதுக்குடா வண்டியை நிறுத்தற? என்று துவங்கி ஆபாச வார்த்தையால் திட்டுகிறார்.

மேலும் செருப்பால் அடிப்பேன்டா என்று கூறி காலில் போட்டிருந்த செருப்பையும் கழற்றுகிறார். அப்போது சக பொலிசார் ஒருவர் அவருக்கு ஆதரவாக ஓடிவருகிறார்.

இதனை வீடியோவாக எடுத்த யாரொ ஒருவர் வாட்ஸ் அப்பில் அனுப்பியுள்ளார். தற்போது அதிவேகமாக பரவி வந்த இந்த வீடியோவை பார்த்த சென்னை பொலிசார் அதிர்ச்சியடைந்துள்ளனர்.

இதையடுத்து நடந்த விசாரணையில், கடந்த 12ம் திகதி சூளைமேடு சிக்னல் சந்திப்பில் இந்த மோதல் நடந்ததும், சம்பந்தப்பட்ட பொலிசாரின் பெயர் குழந்தைவேலு சேகரன் (35) என்பதும் தெரியவந்துள்ளது.

பின்னர் அவர் இதுகுறித்து சூளைமேடு காவல் நிலையத்தில் புகார் அளித்ததையடுத்து தற்போது அந்த திருநங்கை மீது 3 பிரிவுகளின் கீழ் பொலிசார் வழக்குப் பதிவு செய்துள்ளனர்.