செய்தியாளரை அடிக்க முயன்ற விஜயகாந்த்: கையை பிடித்து சமாதானப்படுத்திய திருச்சி சிவா

டெல்லியில் தேமுதிக தலைவர் விஜயகாந்த் செய்தியாளர் ஒருவரை கோபத்தில் அடிக்க முயன்றது பெரும் பரபரப்பை ஏற்படுத்தியுள்ளது.
டெல்லியில் இன்று விஜயகாந்த் தலைமையில் அனைத்துக் கட்சிக் குழுவினர் பிரதமர் மோடியை சந்தித்து பேசியுள்ளனர்.

இதையடுத்து செய்தியாளர் சந்திப்பு நடந்துள்ளது.

அப்போது அரசியல் கூட்டணி குறித்து யாரும் கேள்வி எழுப்ப வேண்டாம் என்று விஜயகாந்த் தெரிவித்துள்ளார்.

அதையும் மீறி தமிழக அரசியல் குறித்து செய்தியாளர்கள் கேள்வி எழுப்பியதால் கோபமடைந்த விஜயகாந்த், யார் நீ? எந்த தொலைக்காட்சி நீ என்று கேட்டு எழுந்து செல்ல முயன்றுள்ளார்.

இதனையடுத்து அவரது அருகில் இருந்த திமுக ராஜ்யசபா எம்.பி திருச்சி சிவா அவரது கையைப் பிடித்து சமாதானப்படுத்தி அமரவைத்துள்ளார்.

மேலும், செய்தியாளர் சந்திப்பு முடியும் வரை அவ்வப்போது விஜயகாந்தின் கையை திருச்சி சிவா பிடித்து கொண்டே இருந்துள்ளார்.