ஜெயலலிதாவை விமர்சனம் செய்து போஸ்டர்: பொலிசாரின் அதிரடி நடவடிக்கை

சொத்து குவிப்பு வழக்கில் ஜெயலலிதா விடுதலை செய்யப்பட்டதை விமர்சிக்கும் விதமாக போஸ்டர் ஒட்டிய இருவரை பொலிசார் கைது செய்துள்ளனர்.
கடந்த மாதம் 11ம் திகதி சொத்துக்குவிப்பு வழக்கில், சிறப்பு நீதிமன்றத்தால் சிறை தண்டனைக்குள்ளான தமிழக முதல்வர் ஜெயலலிதா, கர்நாடக உயர்நீதிமன்றத்தால் விடுதலை செய்யப்பட்டார். இதனை சிலர் வரவேற்றனர். அதேசமயம் சிலர் எதிர்த்து கருத்து தெரிவித்துள்ளனர்.

இந்நிலையில், விடுதலையை விமர்சனம் செய்து கோவை, சாய்பாபா காலனி பகுதியில், போஸ்டர்கள் ஒட்டப்பட்டிருந்தன.

இந்த போஸ்டரை பார்த்ததும், அதை ஒட்டியவர்களை பொலிசார் தீவிரமாக தேடத் தொடங்கினர்.

இது தொடர்பாக, ஜனநாயக தொழிலாளர் முன்னணி அமைப்பின் மாநில துணைத் தலைவர் ராமசாமி மற்றும் புரட்சிகர மாணவர் இளைஞர் முன்னணி தலைவர் திலீபன் ஆகியோரை, பொலிசார் கைது செய்து, சிறையில் அடைத்துள்ளனர். இவர்கள், தந்தை-மகன் ஆவர். இந்த சம்பவம் அங்கு பரபரப்பை ஏற்படுத்தியுள்ளது.