தமிழக “குடி”மகன்களுக்கு ஜெயலலிதா கொடுத்த திடீர் அதிர்ச்சி

தமிழகத்தில் டாஸ்மாக் கடைகள் திறந்திருக்கும் நேரத்தை தமிழக அரசு குறைத்துள்ளதாக பரபரப்பு தகவல் வெளியாகியுள்ளது.
தமிழகத்தில் காந்தியவாதி சசிபெருமாள், பாமக, மதிமுக உள்ளிட்ட கட்சிகள் மற்றும் சில தொண்டு நிறுவனங்கள் தமிழகத்தில் பூரண மதுவிலக்கை அமல் படுத்த வேண்டும் என்பதை நீண்ட காலமாக வலியுறுத்தி வருகின்றனர்.

தமிழகத்தின் அண்டை மாநிலமான கேரளாவில் மதுவிலக்கு படிப்படியாக அமல்படுத்தப்பட்டு வருகிறது.

டாஸ்மாக் கடைகள் எப்போதும், காலை 10 மணி முதல் இரவு 10 வரைத் திறந்திருக்கும்.

இந்நிலையில் தற்போது டாஸ்மாக் கடைகள் திறந்திருக்கும் நேரத்தை தமிழக அரசு குறைத்துள்ளதாக பரபரப்பு தகவல் வெளியாகியுள்ளது.

ஜெயலலிதா 5வது முறையாக முதலமைச்சராக மீண்டும் பதவியேற்றதும் இது தொடர்பான அறிவிப்பு வெளியாகும் என அனைவராலும் எதிர்பார்க்கப்பட்டது.

இனி மதியம் 2 மணிக்கு டாஸ்மாக் கடைகள் திறக்கப்படும் என்றும், இரவு 10 மணிக்கு அவை மூடப்பட்டு விடும் என்றும் கூறப்படுகிறது.

மேலும், நாளை முதல் இந்த புதிய நேரப்படி மட்டுமே டாஸ்மாக் கடைகள் திறந்திருக்கும் எனத் தகவல்கள் தெரிவிக்கின்றன.