ஒரு மில்லியன் போலி அமெரிக்க டொலருடன் இருவர் கைது

ஒரு மில்லியன் அமெரிக்க டொலர் பெறுமதியுடைய போலி நாணயத்தாள் வைத்திருந்த இருவர் வெலிக்கடை - ராஜகிரிய பகுதியில் வைத்து கைது செய்யப்பட்டுள்ளனர்.
வெலிக்கடை பொலிஸ் விசேட அதிரடி படை பிரிவினருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பின் போதே இவர்கள் கைது செய்யப்பட்டுள்ளனர்.

குறித்த நாணயத்தாள் போலியாக தயாரிக்கப்பட்டு விற்பனை செய்ய தயார் நிலையிலிருந்ததாக பொலிஸார் தெரிவித்துள்ளனர்.

கைது செய்யப்பட்ட சந்தேகநபர்கள் வவுனியா பிரதேசத்தை சேர்ந்தவர்கள் என விசாரணைகளின் போது தெரியவந்துள்ளது.

சந்தேக நபர்கள் புதுக்கடை மெஜிஸ்ட்ரேட் நீதிமன்றத்தில் ஆஜர்படுத்தப்படவுள்ளனர்.