ஒரு மில்லியன் போலி அமெரிக்கா டொலர்களுடன் இருவர் கைது

ஒரு மில்லியன் அமெரிக்க டொலர் பெறுமதியான போலி நாணயத்தாள்களை 10 இலட்சம் ரூபாய்க்கு விற்பனை செய்ய முயற்சித்த சந்தேக நபர்கள் இருவரை பொலிசார் கைது செய்துள்ளனர்.
இவர்களை நேற்று வடமத்திய மாகாண விசேட பொலிஸ் அதிகாரிகள் குழுவினர் கைது செய்துள்ளனர்.

போலி நாணயத்தாள்கள் இருப்பதாக கிடைத்த இரகசிய தகவலை அடுத்தே பொலிசார் இவர்களை கைது செய்துள்ளனர்.

வடமத்திய மாகாண விசேட பொலிஸ் அதிகாரிகள் குழுவினர், போலி நாணயத்தாள்களை கொள்வனவு செய்வது போல சென்று சந்தேகநபர்களை கைது செய்துள்ளனர்.

குறித்த நபர்கள் செட்டிக்குள பகுதியைச் சேர்ந்தவர்கள் என அடையாளம் காணப்பட்டுள்ளது.