தேர்தலில் போட்டியிட ஐ.தே.கட்சியிடம் வேட்புமனுக்களை கோரும் 7 முன்னாள் அமைச்சர்கள்

ஐக்கிய மக்கள் சுதந்திர முன்னணியின் 7 முன்னாள் அமைச்சர்கள் எதிர்வரும் பொதுத் தேர்தலில் ஐக்கிய தேசியக் கட்சியில் இணைந்து போட்டியிட உள்ளதாக தெரியவருகிறது.
தேர்தலில் போட்டியிடுவதற்கான வேட்புமனுக்களை கோரி ஐக்கிய தேசியக் கட்சியிடம் விண்ணப்பித்துள்ளதாக அந்த கட்சியின் தகவல்கள் தெரிவிக்கின்றன.

இவ்வாறு விண்ணப்பித்தவர்களில் ஒருவரான முன்னாள் அமைச்சர் கெஹெலிய ரம்புக்வெல்லவுக்கு வேட்புமனுவை வழங்குவதில்லை என கட்சியின் தலைவரும் பிரதமருமான ரணில் விக்ரமசிங்க தீர்மானித்துள்ளதாக தெரியவருகிறது.

ஐக்கிய தேசியக் கட்சியிடம் வேட்புமனு கோரி விண்ணப்பித்துள்ள முன்னாள் அமைச்சர்கள் கொழும்பு, மாத்தறை, கண்டி, அம்பாறை, மாத்தளை, கேகாலை ஆகிய மாவட்டங்களை பிரதிநித்துவப்படுதுபவர்கள் எனக் கூறப்படுகிறது.