பொதுத் தேர்தலில் போட்டியிட தயாராகும் மாலக சில்வா!

எதிர்காலத்தில் அரசியலுக்கு நிச்சயம் வருவேன் என முன்னாள் அமைச்சர் மேர்வின் சில்வாவின் மகன் மாலக சில்வா தெரிவித்துள்ளார்.
இரவு விடுதியில் வெளிநாட்டு பெண் ஒருவரை தாக்கிய சம்பவம் தொடர்பில் கொழும்பு நீதிமன்றத்திற்கு வருகை தந்த போது, ஊடகத்திடம் கருத்து தெரிவிக்கும் போதே இவ்வாறு அவர் குறிப்பிட்டுள்ளார்.

தனக்கு தேர்தலில் போட்டியிடுவதற்கான வாய்ப்பை வழங்குவதற்கு அனைத்து கட்சிகளும் ஆயத்தமாக உள்ளதாகாவும் எதிர்வரும் தேர்தலில் போட்டியிடுவதற்கும் தானும் ஆயத்தமாக உள்ளதாக அவர் கூறியுள்ளார்.

இரவு நேர விடுதிகளுக்கு சென்றதனால் தான் பிரச்சினைகளில் சிக்கிக்கொண்டுள்ளேன். அதை தவிர வேறு அரசியல்வாதியை தாக்கியதும் இல்லை, தேர்தல் மேடைகளை தாக்கியதும் இல்லை என அவர் சுட்டிக்காட்டியுள்ளார்.

மேலும் முன்னாள் ஜனாதிபதிகளான மகிந்த ராஜபக்சவையும், சந்திரிகாவையும் தான் மதிப்பதாக மாலக சில்வா குறிப்பிட்டுள்ளார்.