கர்ப்பிணியை ஓடும் ரயிலில் இருந்து தள்ளிய கணவன்: தண்டவாளத்தில் குழந்தை பிரசவம்

ஒடிசாவில் கர்ப்பிணி மனைவியை ஓடும் ரயிலிலிருந்து கணவன் வெளியே தள்ளியதால் அந்த பெண்மணி தண்டவாளத்தில் குழந்தை பெற்றுள்ளார்.
கோராபுட் எக்ஸ்பிரஸ் ரயிலில் நேற்று அந்தப்பெண் தனது கணவர் சூரஜ் கெர்கடாவுடன் பயணித்துள்ளார்.

அப்போது அவரது கணவன் ரயிலில் இருந்த வேறொரு பெண்ணிடம் நெருக்கமாக பேசிக் கொண்டிருந்ததைக் கண்ட அவர் அதை கண்டித்துள்ளார்.

இதனால் கோபமடைந்த சூரஜ், தூங்கிக் கொண்டிருந்த அந்த நிறைமாத கர்ப்பிணியை காலை 4 மணியளவில் எழுப்பி ரயில் பெட்டியின் கதவுக்கருகே கூட்டி வந்து, அவரை ரயிலிலிருந்து தள்ளி விட்டுள்ளார்.

இதனை சற்றும் எதிர்பாராத அந்த கர்ப்பிணி பெண், கீழே விழுந்த அதிர்ச்சியில் தண்டவாளத்திலேயே குழந்தையை பிரசவித்துள்ளார்.

பின்னர் ரயில்வே பொலிசார் சுயநினைவின்றி மயங்கியிருந்த அந்தப் பெண்ணை கண்டெடுத்து மருத்துவமனையில் அனுமதித்துள்ளனர்.

தற்போது இது குறித்து வழக்கு பதிவு செய்துள்ள பொலிசார் தலைமறைவாகியுள்ள சூரஜை தீவிரமாகத் தேடி வருகின்றனர்.