சிபிஎஸ்இ 10ம் வகுப்பு தேர்வு முடிவுகள் வெளியீடு: 97.32 சதவீத மாணவ மாணவியர் தேர்ச்சி

இன்று வெளியான சிபிஎஸ்இ பத்தாம் வகுப்பு தேர்வு முடிவுகளில் மொத்தம் 97.32 சதவீத மாணவ மாணவியர் தேர்ச்சி பெற்றுள்ளனர்.
சிபிஎஸ்இ பாடத்திட்டத்தின் கீழ் 10ம் வகுப்பு தேர்வை நாடு முழுவதும் இந்த ஆண்டு 13 லட்சத்து 73 ஆயிரத்து 853 மாணவ மாணவியர்கள் எழுதியுள்ளனார்.

தமிழகத்தில் சிபிஎஸ்இ பத்தாம் வகுப்பு தேர்வை 30 ஆயித்துக்கும் மேற்பட்ட மாணவ மாணவியர்கள் எழுதியுள்ளனர்.

சிபிஎஸ்இ பத்தாம் வகுப்புத் தேர்வு மார்ச் 2 முதல் 26ம் திகதி வரை நடைபெற்றது.

முதலில் 10-ம் வகுப்பு தேர்வு முடிவுகள் 27-ம் திகதி (நேற்று) வெளியிடப்படும் என்று சிபிஎஸ்இ அறிவித்த நிலையில், அறிவிக்கப்பட்டபடி நேற்று முடிவுகள் வெளியாகவில்லை.

இந்நிலையில், 10ம் வகுப்பு தேர்வு முடிவுகள் 28-ம் திகதி (இன்று) வெளியிடப்பட்டது.

இதில் 97.32 சதவீத மாணவ மாணவியர் தேர்ச்சி பெற்றுள்ளனர்.

திருவனந்தபுரம் 99.77 சதவீதம் பெற்று மண்டல அளவில் முதலிடம் பெற்றுள்ளது.

மேலும், மாணவர்கள் தங்களது தேர்வு முடிவுகளை www.cbse.nic.in, www.cbse.results.nic.in இணையதளத்தில் பார்க்கலாம்.