பார்சலில் அனுப்பட்ட வெடிகுண்டு: உடல் சிதறி ஒருவர் பலி

பீகாரில் பார்சலில் அனுப்பிய குண்டு வெடித்து ஒருவர் பலியாகியுள்ள சம்பவம் பெரும் அதிர்ச்சியை ஏற்படுத்தியுள்ளது.
பீகார் மாநிலத்தில் கயா மாவட்டத்தில் மாவோயிஸ்டுகள் அரசுக்கு எதிராக 2 நாள் முழு அடைப்பு போராட்டத்துக்கு அழைப்பு விடுத்துள்ளனர்.

இதை மீறி அங்கு ஓடிய வாகனங்கள் மீது மாவோயிஸ்டுகள் தாக்குதல் நடத்தினர். இந்த வன்முறையில் 32 வாகனங்கள் தீ வைத்து எரிக்கப்பட்டுள்ளது.

இந்நிலையில் கயாவில் உள்ளுர் ஐக்கிய ஜனதா தளம் தலைவருக்கு ஒரு பார்சல் வந்துள்ளது.

அதை தலைவரின் உதவியாளர் பிரித்து பார்த்தபோது பயங்கர சத்தத்துடன் வெடித்து சிதறியுள்ளது.

இதில் பார்சலை பிரித்தவர் சம்பவ இடத்திலேயே உடல் சிதறி பலியாகியுள்ளார்.

இதையடுத்து பொலிசார் சம்பவ இடத்துக்கு விரைந்து சென்று விசாரணை நடத்தியுள்ளனர்.

மாவோயிஸ்டுகள் இந்த பார்சலை அனுப்பி இருக்கலாம் என்று சந்தேகப்படுவதாக பொலிசார் தெரிவித்துள்ளனர்.

மேலும், இந்த பார்சல் குண்டு வெடிப்பு சம்பவம் தற்போது பெரும் பரபரப்பை ஏற்படுத்தி உள்ளது.