கொள்ளு புலாவ்

பாஸ்மதி அரிசி - 3 கப்
கொள்ளு - ஒரு கப்
நறுக்கிய கேரட், உருளைக்கிழங்கு, பீன்ஸ் - ஒரு கப்
பட்டை, கிராம்பு, ஏலம், ரம்பை இலை - தலா ஒன்று
வெங்காயம் - ஒன்று
தக்காளி - 2
பச்சை மிளகாய் - 2
மல்லி தழை - சிறிது
இஞ்சி பூண்டு விழுது - ஒரு மேசைக்கரண்டி
தயிர் - ஒரு கப்
பாம்பே பிரியாணி மசாலா தூள் - 2 மேசைக்கரண்டி
மிளகாய் தூள் - அரை தேக்கரண்டி
உப்பு - 2 தேக்கரண்டி
எண்ணெய், நெய் - தலா 2 மேசைக்கரண்டி



கொள்ளு மற்றும் பாஸ்மதி அரிசியை ஊற வைக்கவும். வெங்காயம், தக்காளி, காய்கறிகளை நறுக்கி வைக்கவும். ஒரு பாத்திரத்தில் எண்ணெய், நெய் விட்டு பட்டை, கிராம்பு, ஏலம், ரம்பை இலை போட்டு வதக்கி வெங்காயம், பச்சை மிளகாய் போட்டு பொன்னிறமாக வதக்கவும்.


பின் இஞ்சி பூண்டு விழுது சேர்த்து வதக்கி பிரியாணி மசாலா தூள், மிளகாய் தூள் போட்டு வதக்கி பின் தக்காளி, மல்லி தழை, வடித்த கொள்ளு, காய்கறி கலவை, தயிர், உப்பு சேர்க்கவும்.


அரை கப் தண்ணீர் விட்டு 15 நிமிடம் மிதமான தீயில் வேக விடவும்.


ஒரு பாத்திரத்தில் அரிசியை விட 3 மடங்கு தண்ணீர் வைத்து கொதி வந்ததும் ஊறிய அரிசியை வடித்து கொதிக்கும் நீரில் போடவும்.


4 நிமிடம் கொதித்த பின் அரிசியை வடித்து கொள்ளு குருமாவில் போட்டு 15 நிமிடம் சிம்மில் வைத்து வேக விடவும்.(அல்லது தம் போடவும்).


சூடான கொள்ளு புலாவ் ரெடி.