ரொசல்ல அயிட்ரி தோட்டத்தில் ஆர்ப்பாட்டம்

ரொசல்ல அயிட்ரி தோட்டத்தில் 1974ம் ஆண்டு கோவிலுக்காக ஒதுக்கப்பட்ட கோவில் காணியை (டீ கார்டன்) என்ற நிறுவனத்தின் அதிகாரி தன்வசப்படுத்தி பராமரித்து வருவதற்கு எதிராக ஆர்ப்பாட்டம் நடத்தப்பட்டுள்ளது.

குறித்த காணியை அவரிடம் இருந்து கோவிலுக்காக பெற்று தருமாறு கோரி, குறித்த கோவில் ஆலய பரிபாலன சபையினர்கள், தோட்ட பொது மக்கள் மற்றும் சிறுவர்கள் ஆகியோர் இணைந்து ஆர்ப்பாட்டமொன்றை மேற்கொண்டுள்ளனர்.



ஹற்றன் கொழும்பு பிரதான வீதியில் ரொசல்ல சந்தியில் இன்று காலை 10.30 மணியளவில் ஆர்ப்பாட்டம் ஒன்றை மேற்கொண்டனர்.

பல தடவைகள் சம்பந்தப்பட்ட அதிகாரிகளுக்கு தெரிவித்து எந்த பயனும் இல்லை எனவும், டீ கார்டன் நிறுவனத்தின் அதிகாரி அவருடைய அதிகாரத்தை பயன்படுத்தி கோவில் காணியை பராமரித்து வருவதாகவும்,

அதனால் சம்பந்தப்பட்ட அதிகாரிகள் மற்றும் மலையக அரசியல் தலைவர்கள் ஆகியோர் முன்வந்து மேற்படி காணியை பெற்றுந்தருமாறும் வலியுறுத்தியுள்ளனர்.

இக்காணியை வழங்காத பட்சத்தில் தொடர்ச்சியாக ஆர்ப்பாட்டங்களை முன்னெடுப்பதோடு சட்ட நடவடிக்கைகளையும் எடுக்கபோவதாகும் ஆர்ப்பாட்டத்தில் ஈடுப்பட்டவர்கள் தெரிவித்தனர்.

சுமார் ஒரு மணி நேரம் ஆர்ப்பாட்டத்தில் பொது மக்கள் ஈடுப்பட்டடிருந்தமை குறிப்பிடதக்கது.

எனினும் வட்டவளை பொலிஸாரின் தலையீட்டின் பின் ஆர்ப்பாட்டகாரர்கள் கலைந்து சென்றனர்.