கேரட், பீன்ஸ் பொரியல்

நறுக்கிய கேரட், பீன்ஸ் - அரை கிலோ
நறுக்கிய வெங்காயம் - ஒன்று
மிளகாய் தூள் - அரை தேக்கரண்டி
மஞ்சள் தூள் - அரை தேக்கரண்டி
உப்பு - தேவையான அளவு
தாளிக்க :
தேங்காய் எண்ணெய் - 2 தேக்கரண்டி
கடுகு, கறிவேப்பிலை


தாளிக்கக் கொடுத்துள்ளவைகளைத் தவிர்த்து மற்ற பொருட்களை குக்கரில் இட்டு தண்ணீரை தெளித்து (3 தேக்கரண்டி) வேகவிடவும்.
விசில் வர தொடங்கும் சற்று முன் சரியாக தீயை அணைத்து விடுங்கள். அப்பொழுது தான் அளவாக வேகும்.
தண்ணீர் இல்லாதிருக்க வேண்டும். தண்ணீர் இருந்தால் மூடியைத் திறந்து வைத்து தண்ணீர் வற்றும் அளவு சூடாக்கவும்.
பிறகு எண்ணெயை காயவைத்து கடுகு, கறிவேப்பிலை தாளித்து காய்கறியில் சேர்த்து கிளறவும். சுவையான கேரட், பீன்ஸ் பொரியல் தயார்.