பீன்ஸ் கேரட் பொரியல்(மாற்று முறை)

பீன்ஸ் - கால் கிலோ
கேரட் - ஒன்று
முட்டையின் வெள்ளை கரு மட்டும் - ஒன்றினுடையது
வெங்காயம் - ஒன்று
தக்காளி அரிந்தது - ஒரு ஸ்பூன்
காய்ந்த மிளகாய் - ஒன்று
மிளகாய் தூள் - 1/2 ஸ்பூன்
மஞ்சள் தூள் - 1/4 ஸ்பூன்
எண்ணெய் - 3 ஸ்பூன்
கடுகு - ஒரு ஸ்பூன்
கறிவேப்பிலை - ஒரு கொத்து


பீன்ஸ் மற்றும் கேரட்டை நன்கு கழுவி விட்டு பொடியாக நறுக்கி கொள்ளவும்.
வெங்காயத்தையும் பொடியாக நறுக்கி கொள்ளவும்.
ஒரு வாணலியில் எண்ணெய் ஊற்றி சூடு வந்ததும், கடுகு மற்றும் காய்ந்த மிளகாயை இரண்டாக கிள்ளியும், கறிவேப்பிலை சேர்த்து தாளிக்கவும்.
பின்பு நறுக்கின வெங்காயம், தக்காளியை போட்டு நன்கு வதக்கவும்.
வதங்கியதும் மிளகாய் தூள், மஞ்சள் தூள்களை போட்டு வதக்கவும்.
அதனுடன் நறுக்கி வைத்த காய்களை போட்டு பிரட்டி சிறிதளவு தண்ணீர் தெளித்து தேவையான அளவு உப்பும் சேர்த்து பிரட்டி மூடி போட்டு வேக விடவும்.
வெந்ததும் முட்டையின் வெள்ளை கருவை ஊற்றி ஒன்று சேர பிரட்டி உதிர் உதிரியாக வந்ததும் அடுப்பிலிருந்து இறக்கவும்.