சாமை அரிசி முறுக்கு

சாமை அரிசி - ஒரு கப்
பொட்டுக்கடலை - கால் கப்
வெண்ணெய் - ஒரு மேசைக்கரண்டி
வரமிளகாய் - 6
சீரகம் - ஒரு தேக்கரண்டி
எள் - ஒரு மேசைக்கரண்டி
ஓமம் - அரை தேக்கரண்டி
உப்பு - தேவையான அளவு
எண்ணெய் - பொரிக்க



சாமை அரிசியை 4 மணி நேரம் ஊறவிடவும். மிக்ஸியில் பொட்டுக்கடலையைப் போட்டு பொடித்து சலித்து வைக்கவும். வரமிளகாயை சுடுநீரில் அரை மணி நேரம் ஊற வைத்து அரைத்துக் கொள்ளவும்.


சாமை அரிசி ஊறியதும் க்ரைண்டரில் போட்டு நன்கு மைய அரைத்து எடுத்துக் கொள்ளவும். அத்துடன் சலித்த பொட்டுக்கடலை, சீரகம், ஓமம் (கைகளினால் நன்கு தேய்த்து போட வேண்டும்) சுத்தம் செய்து கழுவிய எள், தேவையான அளவு உப்பு மற்றும் வெண்ணெயைச் சேர்க்கவும்.


பிறகு அனைத்தையும் ஒன்றாகச் சேர்த்து நன்கு சப்பாத்தி மாவு பதத்திற்கு பிசைந்து வைக்கவும்.


அடுப்பில் வாணலியை வைத்து எண்ணெய் ஊற்றி காய்ந்ததும், பிசைந்து வைத்துள்ள மாவை முறுக்கு அச்சில் போட்டு முறுக்குகளாக பிழிந்துவிடவும். தீயை சீராக எரியவிட்டு, முறுக்கு வெந்தவுடன் எடுக்கவும்.


சுவையான, ஆரோக்கியமான சாமை அரிசி முறுக்கு தயார்.