மனைவியுடன் உணவருந்திய கணவன் வெட்டிக்கொலை

நவகமுவ ரணகல சந்தியிலுள்ள உணவகமொன்றில் மனைவியுடன் உணவருந்தி கொண்டிருந்த போது கணவன் இனந்தெரியாத நபர்களினால் வெட்டிக்கொலை செய்யப்பட்டுள்ளார்.
இந்த கொலை சம்பவம் இன்று காலை இடம்பெற்றுள்ளதாக நவகமுவ பொலிஸார் தெரிவித்துள்ளனர்.

27 வயதுடைய தினேஷ் ருவான் சாமர எனும் நபரே இவ்வாறு கொலை செய்யப்பட்டுள்ளார்.

சம்பவத்தில் காயமடைந்த நபர் நவகமுவ வைத்தியசாலையில் அனுமதிக்கப்பட்ட போதே உயிரிழந்துள்ளார் என பொலிஸார் தெரிவித்துள்ளனர்.

குறித்த நபர் தனது மனைவியுடன் உணவருந்தி கொண்டிருந்த போது வெட்டிக்கொலை செய்யப்பட்டார் என விசாரணைகளின் போது தெரிய வந்ததாகவும்,

சம்பவத்துடன் தொடர்புடைய குற்றவாளிகள் இனங்காணப்படவில்லை எனவும் நவகமுவ பொலிஸார் தெரிவித்துள்ளனர்.

இது தொடர்பான மேலதிக விசாரணைகளை நவகமுவ பொலிஸார் மேற்கொண்டு வருகின்றனர்.