ஜனாதிபதி மைத்திரிபால சிறிசேன மனைவியுடன் இங்கிலாந்து புறப்பட்டார்

ஜனாதிபதி மைத்திரிபால சிறிசேன நான்கு நாள் உத்தியோகபூர்வ விஜயம் மேற்கொண்டு தனது மனைவியுடன் பிரித்தானியாவிற்கு புறப்பட்டு சென்றுள்ளார்.

இன்று காலை 10.30 மணிக்கு இங்கிலாந்து புறப்பட்ட விமானத்திலேயே அவர் பயணித்துள்ளார்.

பிரித்தானிய மகாராணி எலிசபெத்தின் அழைப்பின் பேரிலேயே இவர் இங்கிலாந்து புறப்பட்டுச் சென்றுள்ளார்.

அங்கு செல்லும் ஜனாதிபதி, மகாராணியுடன் விசேட கலந்துரையாடல் ஒன்றை மேற்கொள்ளவுள்ளார் என்றும் அதனையடுத்து மகாராணியுடன் விருந்துபசாரத்தில் கலந்துகொள்வார் என்றும் ஜனாதிபதி செயலகம் தெரிவித்துள்ளது.

பின்னர் பிரித்தானிய பிரதமருடன் கலந்துரையாடவுள்ள ஜனாதிபதி, 9ம் திகதி லண்டனில் நடைபெறவுள்ள பொதுநலவாய நாடுகளின் இளைஞர் சந்திப்பிலும் கலந்துகொள்ளவுள்ளார்.

பொதுநலவாய அமைப்பின் தற்போதைய தலைவரான ஜனாதிபதி மைத்திரிபால சிறிசேன ஜனாதிபதியாக பதவியேற்ற பின்னர் மேற்கொள்ளும் முதலாவது பிரித்தானிய விஜயம் இதுவாகும்.